umu amakuru- Menya Perezida w’umugore wakunzwe cyane mu mikino y’igikombe cy’isi n’impamvu yakunzwe | Umusingi

Menya Perezida w’umugore wakunzwe cyane mu mikino y’igikombe cy’isi n’impamvu yakunzwe

Views:
435

Perezida wa Croatia witwa Kolinda Grabar-Kitarović ni umugore w’imyaka 50 y’amavuko ayobora igihugu cya Croatia gituwe n’abaturage bangana na Miliyoni zirengaho ( 4.171), Iki gihugu cyaratunguranye cyane mugikombe cy’Isi cya 2018 kirikubera mu Burusiya kuri ubu cyageze ku mukino wa nyuma aho bazahura n’Ubufaransa.

Perezida wa Croatia, Kolinda Grabar-Kitarović  ni umwe mubanyacyubahiro batunguranye cyane mu mikino y’igikombe cy’Isi, bitewe n’uburyo yahoraga hafi y’ikipe y’igihugu cye ndetse imikino hafi ya yose bagiye bakina yabaga ari ku kibuga agafana bigaragarira buri wese ntabyo kwifata nk’umunyacyubahiro.

Uyu mugore hari amafoto n’amashusho atandukanye yagiye amugaragaza atera akanyabugabo abakinnyi b’ikipe y’igihugu ayoboye, hari aho yabasangaga mu rwambariro akabahobera, akabashimira yaba nyuma y’umukino ndetse na mbere y’umukino, ibi byose byatumye uyu mudamu akurikirwa n’abantu benshi ndetse baranamwishimira.

Perezida Kolinda Grabar-Kitarović ari mu bafana afana ikipe y’igihugu ayoboye 

Hano yambaye Bikini

Kolinda Grabar-Kitarović  akunda imyidagaduro cyane mubusanzwe, amafoto ye yambaye Bikini yavugishije imbaga hirya no hino ku mbuga nkoranyambaga byanatumye afatwa nk’umuyobozi w’igihugu uhize abandi kugira imiterere y’umubiri ukurura igitsina gabo kurusha abandi ku isi.

Mu mwaka ushize ubwo uyu mudamu yabaga Perezida wa kane akanaba ari uwa mbere w’umugore uyoboye Croatia, hari indi foto ye muri bikini ku mucanga yaciye ibintu ku mbuga nkoranyambaga maze abantu benshi batangazwa n’uburyo aberwa n’umwambaro wa Bikini.

Amakuru aturuka mu gihugu cy’Uburusiya avuga ko abakinnyi ba Croatia ubwo Perezida yabasangaga mu rwambabariro akabasuhuza byabongereye imbaraga cyane kumva ko Perezida wabo yabashyigikiye agatega indege akaza kubasanga aho bari bityo bikaba bivugwa ko ariryo shema bafite mugutsinda andi makipe.

Hari umwe wanditse ku rubuga rwe rwa twitter avuga ko yabonye abakinnyi ba Croatia uburyo basuhuzaga Perezida wabo wagirango n’undi muntu usanzwe kuko yabasanze mu rwambariro bamwe batambaye amashati akabahobera cyane bituma bamwisanzuraho cyane.

Ikindi uyu mugore yakundiwe n’uburyo yajyaga mu bafana b’igihugu cye akifatanya nabo gufana aho kujya kwicarana n’abanyacyubahiro .

Hari benshi muri Africa batangazwa no kubona Perezida w’Igihugu yambara Bikin amafoto ye ajya ku mbugankoranyambaga batazi ko abazungu ibyo ari ibintu bisanzwe kandi bagira igihe bajya mu kiruhuko bakunda kwita summer.

 

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.