umu amakuru- Umusore w’Umugande muto washakanye n’umukecuru w’umuzungu yaguye hasi kubera inzara | Umusingi

Umusore w’Umugande muto washakanye n’umukecuru w’umuzungu yaguye hasi kubera inzara

Views:
425

Umusore witwa Mawanda Aziz washakanye n’umukecuru w’umuzungu yasanzwe mu bitaro bya Mulago muri Kampala nyuma yo gufatwa n’isereri nyinshi agwa hasi kubera inzara atabaza buri munya Africa wese kumutaba akabona icyo kurya no kwivuza.

Uyu  musore akaba yaragaragaye cyane mu itangazamakuru rya Uganda avuga ko kuba akunda n’umukecuru ungana na nyirakuru ntacyo bimubwiye akavuga ko we icyo ashaka ari ifaranga ry’umukecuru.

Aziz yakundanye n’umukecuru witwa Mona-Lisa Larsson bakaba bateganyaga gukora ubukwe ariko abantu batangaye babonye aba bakundanye ku makuru bavuga ko babuze aho kuba ndetse babuze amafaranga yo kurya ndetse Passport y’umuzungu bakaba barayifatiriye n’umushoferi wabatwaraga ageze aho ahitamo kubajyana kuri polisi kugirango yishyurwe kandi yaranabagurije bamubeshye ko hari amafaranga bategereje.

Uyu muhungu Aziz iyo agaragara mu bitangazamakuru agaragara nk’umuntu uba yakoresheje ibiyobyabwenge bityo umugore w’umupfumu muri Uganda w’umuherwekazi witwa Mama Fina akaba yavuze ko ejo Kuwa gatatu tariki 11 Nyakanga 2018 azajya kwishyura aho uyu muzungu yararaga n’umusore maze amwishyurire tike y’indege asubire iwabo muri Sweden.

Mama Fina avuga ko uyu musore Mawanda Aziz azamujya kumupimisha niba akoresha ibiyobyabwenge nibasanga abikoresha amujyane mu kigo kita ku bantu bakoresha ibiyobyabwenge hanyuma nakira azamugurire moto abone akazi kuko Mama Fina amaze guha abantu moto zirenga ibihumbi bitanu (500).

Umukecuru w’umuzungu Mona-Lisa Larsson ari mu bitaro arwaje umugabo we yarafite icupa ry’amazi avuga ko ariyo amutunze atarya bityo abantu bababonye ku makuru kuri Bukedde bamwe bahise bajya kwa muganga babashyira ibiryo.

Amakuru yaturutse muri Sweden avuga ko uwo mukecuru afite ikibazo mu mutwe akaba akunda udusore sore kuko mbere ya Aziz hari ndi yigeze kujya muri Sweden agezeye nabwo yari yishwe n’inzara arya igi rimwe ku munsi abantu bamugira inama yo kumutorokaho bityo aramucika maze umuzungu asubira muri Uganda gushaka undi.Yagaragaye ashaka gutanga impeta ye ya zahabu kugirango hagire uyigura abona amafarana yo kurya no kwishyura ibitaro kuko umugabo we arwaye.

Aziz ababjijwe n’umunyamakuru icyatumye akundana n’umukecuru w’umuzungu kandi w’umukene yagize ati “Ibyo nakekaga sibyo nabonye narinziko uyu mukecuru afite amafaranga nshaka ko azanjyana I Burayi nanjye nkakira ariko nasanze naribeshye nkaba nsaba abantu bose kumfasha nkabona icyo kurya kuko naguye hasi kubera isereri nyinshi tumaze iminsi tutarya”.

Umuzungu abajijwe n’umunyamakuru uko aza kubaha avuga ko ikarita ye ya bank yafashwe n’icyuma agiye kubikuza none akaba adafite uko yabona andi mafaranga yo kubatunga,bamubajije bati uraza kurya iki ati water bisobanuye amazi.

Muhungu John –Kampala

 

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.