umu amakuru- Byakomeye :Abazaburanya Gen.Kale Kayihura barahiye | Umusingi

Byakomeye :Abazaburanya Gen.Kale Kayihura barahiye

Views:
355

Abantu batandukanye bari baziko Perezida Museveni ashobora kubabarira Gen.Kale Kayihura kubera ibyo yakoreye igihugu ndetse n’Ishyaka rya NRM ariko byakomeye nyuma yo kubona abazaburanisha Kayihura kuri uyu wa mbere tariki 9 Nyakanga 2018  barahira gutangir akazi.

Gen.Kale Kayihura amaze iminsi 27 afungiwe mu kigo cya gisirikare I Makindye abantu batandukanye harimo inshuti ze bakaba bari baziko Perezida Museveni ashobora kumubabarira nta mufunge ariko nyuma yo kubona abazamuburanya mu rukiko barimo uwitwa Lt. Gen. Andrew Gutti ,uyu manda ye ikaba yari yararangiye ariko kubera ko Gen.Kayihura agomba kuburanishwa n’uwo banganya ipeti bikaba byabaye ngombwa ko ahabwa indi manda kugirango mu minsi ya vuba iburanisha ritangira bityo abari bategere ko Gen.kayihura ahabwa imbabazi barumirwa.

Lt. Gen. Andrew Gutti yarahijwe n’umukuru w’urukiko rwa gisirikare witwa  Col. Richard Tukachungurwa nawe akaba umwe mu batorewe kuyobora manda nshya y’urukiko rwa gisirikare.

Abandi batowe gukora muri urwo rukiko harimo Brig. Joseph Arocha, Maj. Sarah Navuga, Maj Henry Sserugo, Capt. Teopisita Girama Opar, Capt. Paul Mugerwa, W01 Paul Kamya, Col. Jame Rubahika, Maj. David Mbabazi Karyabashihsa, Maj Frank Tumwesigye na W01 Jimmy Omara.

Abashinjacyaha barimo uwitwa Maj. Raphael Mugisha akazafashwa na Capt. Samuel Masereje na Lt. Ambrose Baguma.

Lt. Gen. Andrew Gutti amaze kurahira ko azakora akazi ke akurikije uko amategeko abiteganya yabwiye itngazamakuru ko mu cyumweru gitaha bitege agashya ariko ntiyasobanura ako gashya yavugaga ako ariko ariko abanyamakuru batangiye gucyeka ko aribwo Gen.Kale Kayihura azagezwa mu rukiko kuburanishwa.

Imiryango Mpuzamahanga iharanira uburenganzira bwa muntu irimo kotsa igitutu Leta ya Uganda kujya Gen.Kale Kayihura mu rukiko akaburanishwa abantu bakamenya ibyo ashinjwa kuko afunzwe binyuranije n’amategeko yakabaye yaraburanishijwe.

Gen.Kale Kayihura akaba yaranze gusubiza ibibazo yabazwaga avuga ko azavugana na Perezida Museveni gusa akamusaba imbabazi kuko ibyo yakoze byose yabikoze ku nyungu z’igihugu.

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.