umu amakuru- Urugo rwa Gen.Kale Kayihura rwongeye gusakwa ku nshuro ya 4 ariko kuri ubu nawe yari ahibereye bikaba byatewe n’ibyuma byafashwe muri MTN | Umusingi

Urugo rwa Gen.Kale Kayihura rwongeye gusakwa ku nshuro ya 4 ariko kuri ubu nawe yari ahibereye bikaba byatewe n’ibyuma byafashwe muri MTN

Views:
383

Andi makuru mashya agera ku kinyamakuru Umusingi ni uko mu gihugu cya Uganda hamaze iminsi havugwa ifungwa ry’abapolisi bakuru ndetse harimo na Gen.Kale Kayihura wari ukuriye polisi y’icyo gihugu bashinjwa urupfu rwa Andrew Felix Kaweesi.

Kuwa gatanu tariki 6 Nyakanga 2018 nkuko ikinyamakuru cya Bukedde kibivuga ko Gen.Kale Kayihura yakuwe aho afungiwe mu kigo cya gisirikare ajyanwa iwe mu rugo n’inzego zishinzwe umutekano zitandukanye harimo Internal Security Organ( ISO) na Chieftancy of Military Inteligency (CMI) ndetse n’abasirikare barinda Perezida ba Special Force Command (SFC) bamujyana iwe kongera kumusaka.

Inshuro zabanje n’ubwo basatse urugo rwe ariko nta kintu na kimwe batwaye kuko nta muntu wari uhari ngo abasinyire kuri ubu bakaba bagiye gusaka urugo rwe nawe ahibereye ,isaka bivugwa ko ryatwaye igihe kirekire bakaba bavuyeyo mu rukerera.

Amakuru aravuga ko icyatumye basubira gusaka urugo rwa Gen.Kale Kayihura ari uko hari ibyuma bibika ibiba byavugiwe kuri za Telephone byo muri MTN Uganda inzego z’ishinzwe umutekano zatwaye uko ari bine zishaka kumenya amakuru yavugiwe kuri Telephone z’abantu 3 bakomeyemuri polisi batavuzwe amazina yabo.

Inzego zatahuye ko hari umuntu wishyuye akayabo k’amafaranga umukozi wa MTN kugirango asibe ibyavugiwe kuri izo Telephone bityo biba ngombwa ko bafata umukozi wa MTN ajya kubafungurira ku ngufu kugirango barebe ko ibyo bivugwa ari ukuri koko maze basanga koko kuri izo Telephone eshatu harimo niya Kaweesi guhera umunsi Kaweesi yicwa iminsi 3 yose ibyavuzwe byarasibwe saa sita za kumanywa guhera tariki 16 z’ukwezi kwa 3 umwaka wa 2017.

Kubera ko mu gusaka kwabaye mbere hari icyuma cyafataga amajwi y’amatelephone y’abayobozi barimo na Perezida Museveni basanze kwa Gen.Kale Kayihura ,inzego zishinzwe umutekano zikaba zagiye kureba muri icyo cyuma cyo kwa Kayihura kugirango barebe ko ibyasibwe muri MTN bashobora kubisanga mu cyuma bavuga cyo kwa Gen.Kale Kayihura.

Nibaramuka basanze naho byarasibwe kiraba ikimenyetso ko Gen.Kale Kayihura azaba afitanye umugambi n’abantu batanze amafaranga muri MTN kugirango basibe ibyavugiwe ku matelephone yabo bantu bakomeye muri Polisi.

Kugeza ubu inzego zishinzwe umutekano twavuze haruguru zirashaka kumenya ni nde watanze amafaranga kugirango basibe ibyavugiwe kuri izo Telephone?bagashaka kumenya umukozi wa MTN wishyuwe no kumenya ayo yishyuwe ndetse bakaba bavuga ko uwasibye ibimenyetso kuri telephone nawe yari mu mugambi wo kwica Kaweesi.

Kuba harafashwe ibyuma bibika amakuru (Data)MTN ivuga ko byakozwe mu buryo bunyuranije n’amategeko bityo MTN ikaba yareze ibigo byakoze icyo gikorwa ariko inzego zikaba zivuga ko babikoze babizi kuko iyo bakurikiza iby’itegeko rivuga ntago bari kubona ibyo bashaka kuko ngo za Mafia ziri ahantu henshi zishaka kubananiza iperereza bakora.

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.