umu amakuru- Hishyuwe akayabo k’amafaranga menshi muri MTN Uganda kugirango basibe ibyavugiwe kuri Telephone ya Kaweesi, CMI ikaba yabikuye hanze y’igihugu | Umusingi

Hishyuwe akayabo k’amafaranga menshi muri MTN Uganda kugirango basibe ibyavugiwe kuri Telephone ya Kaweesi, CMI ikaba yabikuye hanze y’igihugu

Views:
517

Andi makuru aturuka mu gihugu cya Uganda kuri uyu wa gatanu tariki ya 6  aravuga ko umukozi wa MTN Uganda utavuzwe amazina yafashwe nyuma yahoo CMI na ISO bamenye ko hari umuntu wishyushye iki kigo cya MTN akayabo k’amafaranga kugirango ibyavugiwe kuri Telephone ya Andrew Felix Kaweesi n’abandi bantu 3 bakomeye nabo bagizwe ibanga.

Abantu baribaza ni nde wishyuye amafaranga menshi cyane kugirango Andrew Felix Kaweesi yicwe?yakoze iki gituma hashorwamo amafaranga menshi angana gutyo?ibaze abasirikare bose bamaze gufatwa n’abapolisi kandi ntibakora icyo cyaha gikomeye nta mafaranga bahawe?.

Ibaze imbunda 4 zakoreshejwe kandi zihenze,ongera wibaze amasasu 153 yarashwe Kaweesi n’umushoferi we n’uwamurindaga,ibaze inama zakorwaga nkuko Rasta wemeye ibyaha akavuga ko ariwe wari utwaye moto imwe ,wibaze moto zakoreshejwe n’ibindi byinshi kugera ubwo bajya no muri MTN Uganda gutanga akayabo ko gusiba ibyavugirwaga kuri Telephone ya Kaweesi n’abandi bantu 3 bakomeye.

Kuwa mbere w’iki cyumweru nibwo abasirikare bo muri ISO na CMI bagiye aho ikicaro gikuru cya MTN Uganda barahagota maze bafata umukozi ushinzwe amakuru yose (Data)baramufata bamwambura imfunguzo bafata ibyo bashaka muri mashine barangije baramujyana ariko nyuma nkuko ikinyamakuru cya Bukedde cyabivuze yararekuwe kubera ko ataruhije inzego zishinzwe iperereza ku rupfu rwa Kaweesi.

Amakuru avuga ko hari  umuntu wo muri MTN yahawe akayabo kuwa 17 ukwezi kwa gatatu 2017 kugirango asibe ibyavugiwe ku matelephone y’abantu 3 bakomeye .

Hamaze gufatwa abapolisi bakuru barimo n’uwari ukuriye polisi Gen.Kale Kayihura nawe ashinjwa urupfu rwa Kaweesi aband harimo Herbert Muhangi wari ukuriye  Flying Squad, Abel Kitagenda, Moses Kasibante bakunda kwita  Kasiba, Martin Kimbowa uvugwa ko ariwe watwaraga moto muzakoreshejwe kwica Kaweesi , Chris Ahimbisibwe n’abandi benshi.

Umwe mu bantu bakora mu nzego zishinzwe umutekano yaganiriye n’umunyamakuru wacu avuga ko ikigaragara hari umugambi wo guhirika ubutegetsi ikaba ariyo mpamvu yatumye CMI na ISO zirimo gucukumbura buri kantu kose ariko n’ababiri inyuma nabo ntibicaye gusa kuko barashaka uko basiba ibimenyetso ariko biragoranye.

Amakuru avuga ko Andrew Felix Kaweesi yari afite Telephone 3 imwe y’akazi n’izindi ze 2 ariko abashakaga kumwica bakoreshaga nimero ye dore ko na Mbabazi Muhoza wari inshuti ye ndetse bivugwa ko ariwe bamutegaga kugirango amenye ingendo ze yakoresha Telephone ye bwite ikaba ariyo bahanaguyeho amakuru yose.

Basanze muri machine za MTN amakuru y’iminsi 3 kuri Telephone ya Kaweesi atagaragara yarasibwe bihura ni uko CMI yari yamenye ko hishyuwe akayabo k’amafaranga kugirango ayo makuru asibwe ariko bakaba bayakuye hanze y’igihugu ku kicaro gikuru cya MTN muri Africa.

Abantu ko bamaze gufatwa ari benshi hakaba hibazwa bizarangira ryari ko uko bucye ni uko bwije hafatwa abantu?kugeza ubu ntibiramenyekana uko bizarangira.

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.