umu amakuru- Igisasu cyaturikiye uruhande rwa Perezida Mnangagwa wa Zimbabwe asohoka muri Stade bivugwa ko ari kumutera ubwoba ko areka kwiyamamaza | Umusingi

Igisasu cyaturikiye uruhande rwa Perezida Mnangagwa wa Zimbabwe asohoka muri Stade bivugwa ko ari kumutera ubwoba ko areka kwiyamamaza

Views:
196

Uyu munsi Kuwa 23 Kamena 2018  Perezida wa Zimbabwe, Emmerson Mnangagwa yabashije kurokoka igisasu cyaturikiye muri Stade  ya White City mu Mujyi wa Bulawayo, aho yari mu bikorwa byo kwiyamamaza.

Amakuru aturuka mu gihugu cya Zimbabwe aravuga ko iki gisasu kimaze guhitana abantu babiri abandi benshi bakomeretse bikomeye ndetse bikaba bivugwa ko umubare w’abapfuye ushobora kwiyongera.

Bamwe batangiye kuvuga ko hari abantu b’imbere mu butegetsi bwe badashaka ko aziyamamaza mu matora ya Perezida w’icyo gihugu ateganyijwe mu kwezi kwa 7.

Umuvugizi we, George Charamba, yemereye Reuters ko hari igisa n’igisasu cyaturukiye aho perezida yari ari, ku bw’amahirwe akaba atigeze akomereka aho yahise ajyanwa mu rugo rw’Umukuru w’Igihugu ruri muri uyu mujyi.

Mgangagwa wagiye ku butegetsi mu Ugushyingo 2017 asimbuye Robert Mugabe wegujwe, yari yahuye n’abaturage mu gihe igihugu cyitegura amatora ya perezida ateganyijwe ku wa 30 Nyakanga uyu mwaka.

Igisasu kikimara guturika uko hasaga

Bamwe mu bayobozi bahungu abandi bagwa hasi

Ababonye uko byagenze babwiye AFP ko iki gisasu kitaramenyekana ubwoko bwacyo , cyaturitse ubwo Mnangagwa uyobora ishyaka rya ZANU-PF yasubiraga mu byicaro bye amaze kuvuga ijambo. Cyaturukiye mu gice cyari cyicayemo abanyacyubahiro.

Amakuru atangazwa n’ibinyamakuru byo muri Zimbabwe ariko ataremezwa n’inzego z’umutekano avuga ko hari abantu benshi bakomerekeye muri iyi stade, ndetse muri bo harimo Visi Perezida Kembo Mohadi wakomeretse ku kaguru, abandi bayobozi ndetse n’abarinzi babo.

Muri Zimbabwe havuzwe iturika ry’igisasu mu gihe muri Ethiopia naho mu gitondo cy’uyu munsi, grenade yatewe aho Minisitiri w’Intebe, Abiy Ahmed, yari yakoreshereje inama bamwe mu baturage bari bayitabiriye barakomereka.

 

 

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.