umu amakuru- Itohoza :Icyo Kayihura azira cyatahuwe kumviriza elephone ya Perezida Museveni biri mubyo azira no kwica Kaweesi | Umusingi

Itohoza :Icyo Kayihura azira cyatahuwe kumviriza elephone ya Perezida Museveni biri mubyo azira no kwica Kaweesi

Views:
560

Amakuru yamaze kumenyekana yatumye Gen.Kale Kayihura afatwa agafungwa yamenyekanye nyuma yo kujya iwe mu rugo bagasanga yari afite icyuma gihenze cyane yakoreshaga mukumviriza amajwi ya Perezida Museveni n’abaminisitiri ndetse n’abadepite.

Amakuru aravuga ko Gen.Kale Kayihura wayoboraga polisi ya Uganda yakuwe kuri uwo mwanya ntiyahita afungwa ariko amakuru ataruka mu nzego zishinzwe umutekano muri Uganda zivuga ko Museveni atashakaga gufunga Gen.Kale Kayihura ariko icyamurakaje ni uko yamenye ko afite icyuma iwe mu rugo yakoreshaga kumwumviriza ibyo avugana n’abantu bamuhamagara.

Umwe mu basirikare wanze kwivuga amazina ye yaganiriye na Muhungu John maze amubwira ko Museveni yarakaye amaze kumva ko Gen.Kale Kayihura amwimviriza Telephone ze akamenya amabanga ye yose aribyo byatumye ategeka ko afatwa agafungwa.

Amakuru avuga ko abasirikare bakuru muri Uganda batangiye kuvuga ko byose ari Museveni wabiteye kuko yamuhaye imbaraga nyinshi kuko yamushimaga cyane ko ari umukozi cyane kandi akunda NRM bituma yirara atangira gukora ibirenze ubushobozi bwe.

Gen.Kale Kayihura

Umwe mu bavuganye n’abanyamakuru utashatse ko amazina ye atangazwa yagize ati “Ni gute wajya kuneka sobuja?ese izo mbaraga azikurahe?tugomba kumenya aho yakuye amafaranga agura ibyuma bihenze byafatiwe iwe n’uwamutegetse kubikoresha kuko mu gisirikare biba bigaragara ko wasuzuguye Boss wawe kandi birahanirwa ndetse dukeka ko yari afite umugambi wo gusimbura Museveni”.

IBindi bivugwa Gen.Kayihura azashinjwa najyanwa imbere y’urukiko harimo imbunda 2 zikomeye yari afite iwe mu rugo akazasobanura uburyo yazibonye kuko ntaho zanditse ko yazihawe ndetse akazashnjwa urupfu rwa Kaweesi nkuko abapolisi bakuru bafashwe bamushinja ko ariwe wari ubiri inyuma byose.

Nibyinshi bamushinja ariko Gen.Kale ayihura akaba yavuze ko itangazamakuru ririmo kumusiga ibyondo ariko bitazamufata ati “Nka Kaweesi naba mwicira iki koko?ariko ukuri kuzagaragara”.Gen.Kayihura yafashwe agerageza gutoroka ubwo yaravuye iwe aho afite ifamu y’inka nini cyane hitwa Kashagama muri Lyantonde asiga abapolisi bamurindaga akoresha akamodoka gato ariko nyuma bamubwira ko mu nzira hari za bariyeri adafite uko azinyuraho bituma ajya kwirega kuri polisi ya Makenke ariho indege ya Kajugujugu yaje kumufata bwa kabiri kuko bwa mbere yaraje iramubura isubira Kampala.

Ubu Gen.Kale Kayihura afungiye mu kigo cya gisirikare I Makindye aho afungiye nta kibazo afite kuko harimo Televiziyo ,bamuzanira ibinyamakuru agasoma ,afite interineti na Telephone akaba ategereje kugezwa mu rukiko akaburana.

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.