umu amakuru- Gen. Kale Kayihura yafatiwe Lyantonde yihishe munsi y’igitanda | Umusingi

Gen. Kale Kayihura yafatiwe Lyantonde yihishe munsi y’igitanda
Views:
786

Amakuru agera ku kinyamakuru Umusingi aka kanya twandika iyi nkuru kuri uyu wa kabiri tariki 12 Kamena 2018 aravuga ko inzego z’umutekano mu gihugu cya Uganda zamaze gufata uwahoze akuriye polisi ya Uganda Gen.Kale Kayihura.

Bimwe mu bitangazamakuru byo muri icyo gihugu byanditse bivuga ko yafatiwe ahitwa Lyantonde nyuma yo kumenya ko yashakaga gutoroka.

Uyu mugabo yavuzweho byinshi ashinjwa nyuma yo kuva ku mwanya wo kuyobora igipolisi aho ashinjwa kwica Andrew Felix Kaweesi n’abandi bantu bagiye bicwa barashwe.

Amakuru akomeza avuga ko inzego zishinzwe umutekano za gisirikare zaje kuri Sky Blue Hotels barayigota abari barimo bose babuzwa gusohoka ndetse nta wemerewe kwinjira bityo binjiramo basaka ibyumba byose ,banyiri hotel bataramenya icyabaye  nibwo bamusanzemo baramufata ariko bikaba babigize ibanga kugirango bidasakuza cyane dore ko hari abantu benshi bamushinjaga ibyaha bitandukanye yabakoreye ubwo yari akiri umukuru wa polisi ya Uganda.

Hari byinshi bimaze iminsi bimuvugwaho ko yashatse kujya kwivuza hanze bakamufatira ku kibuga cy’indege bakamusubiza inyuma ndetse bikavugwa ko hari ibindi bihugu byamukoreshaga ,ibyo byose n’ibindi bikaba bivugwa ko aribyo azira dore ko uwitwa Kitagenda uherutse gufatwa akemera icyaha ndetse na Nixon Agasirwe bose bakoreshwaga na Gen.Kayihura bamushinja ko ariwe wabatumaga kwica abantu ndetse bakamushinja na Andrew Felix Kaweesi.

Turacyabakurikirirana iyi nkuru tukaba turibukomeze kubagezaho andi makuru uko ibintu bikomeza kugenda bihinduka.

 

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.