umu amakuru- Uganda:Mu rufaya rw’amasasu abaturage barakaye bikomeye bahagarika imodoka yari itwaye umurambo w’umudepite Abiriga warashwe agapfa barawitwarira bavunagura intebe | Umusingi

Uganda:Mu rufaya rw’amasasu abaturage barakaye bikomeye bahagarika imodoka yari itwaye umurambo w’umudepite Abiriga warashwe agapfa barawitwarira bavunagura intebe

Views:
600

Depite Ibrahim Abiriga wari uhagarariye Umujyi wa Arua mu nteko ishinga amategeko, yarasiwe hafi y’urugo rwe i Matugga mu Karere ka Wakiso n’abagizi ba nabi bagenderaga ku ipikipiki arapfa.

Kuri uyu wa 11 Kamena 2018 nibwo umurambo we wurijwe indege ya kajugujugu ujyanwa aho avuka muri Arua ariko ntibyari byoroshye kubari bahetse amasanduka 2 y’abanyakwigendera kubera abaturage bari barakaye cyane bashaka ko Perezida Museveni ababwira uwishe umudepite wabo bakundaga cyane.

Abaturage barakaye cyane baza ari benshi imodoka za Ambulance 2 zibura aho zinyura abantu bavuze induru barakaye binjira mu modoka bakuramo imirambo barayihekera ku rutugu abapolisi batangira kurasa amasasu menshi ariko abaturage bo bashaka kumenya uwishe Abiriga.

Abaturage barakaye bangiza intebe bari bateguye barazivunagura

Uyu mugabo wavuzwe cyane mu itangazamakurumu mu minsi yashize kubera kubura aho yihagarika yakubiwe, agahitamo kwihagarika ku nyubako ya minisiteri y’Imari, yarasiwe mu modoka ye y’umuhondo ari kumwe n’ umuvandimwe we ndetse n’umurinzi we ku mugoroba wo ku wa Gatanu tariki ya 9 Kanama 2018.

Bamwe mu batangabuhamya babonye uyu mudepite araswa, bavuze ko yarashwe ahagana saa kumi n’ebyiri n’igice z’umugoroba n’abantu bari kuri moto, bahita biruka.

Abiriga ni umwe mu badepite bazwi cyane muri Uganda kubera ko atavuze rumwe n’ivugururwa ry’ingingo ya 102 b y’ itegeko Nshinga yakuyeho imyaka ntarengwa ku kwiyamamariza kuba Perezida muri Uganda.

Uyu mudepite yibukirwa ko yamaze igihe mu rukiko akurikiranyweho kwihagarika mu marembo ya Minisiteri y’Imari, akaza no gucibwa amande y’amadolari 11.

Museveni abinyujije ku rubuga rwe rwa Twitter, yasabye inzego z’umutekano gushakisha abagize uruhare mu kurasa uyu mudepite.

Mu gihugu cya Uganda abenshi barimo kuvuga ko Perezida Museveni ananiwe akwiye kuvaho abandi bakavuga ko ubwicanyi bumaze igihe muri icyo gihugu aria bantu bafite umugambi wo kugirango abaturage bange ubutegetsi buriho maze bigaragambye bakureho Perezida Museveni umaze imyaka irenga 30 ayoboye kandi nta gahunda ko azavaho vuba ndetse bamwe bakavuga ko azaba nka Perezida Mugabe wa Zimbabwe wavuyeho ashaje cyane kandi agakurwaho kugahato.

 

 

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.