umu amakuru- Gasabo:Mu gikorwa cyo kugenzura isuku ahacururizwa inyama hari iyafunzwe nyirayo ariruka havugwa umuti ziterwa uteye ubwoba | Umusingi

Gasabo:Mu gikorwa cyo kugenzura isuku ahacururizwa inyama hari iyafunzwe nyirayo ariruka havugwa umuti ziterwa uteye ubwoba

Views:
443

Kuri uyu wa kane tari 7 Kamena 2018 mu Karere ka Gasabo ,Umurenge wa Kinyinya ,Akagali ka Gasharu umukozi w’Akarere ari kumwe n’uwa Minagiri tutamenye amazina yabo bari mu gikorwa cy’isuku ahacururizwa inyama(Boucherie) basanga iyitwa Omega ifite umwanda hari isazi nyinshi hasi zapfuye kubera umuti witwa RAVA bazitera.

Nyiri iyi Boucherie witwa Hakizimana Emmanuel amazina yatubwiye ari mu bwihisho kuko bivugwa ko bakimara kuhagera yahise yiruka ajya kwihisha atinya gufungwa akaba yatangarije Ikinyamakuru Umusingi ko Boucherie ye itari yujuje ubuziranye ariyo mpamvu yafunzwe.

Isazi nyinshi zapfiriye kunyama zigwa hasi

Abaturage baje kureba uko Omega ifungwa

Izo sazi nyinshi zari zaguye hasi zapfuye zikaba zicwa n’uwo muti baziminjiraho kugirango isazi zigwaho zipfe kuko isazi zikunda ahantu hari amaraso kandi uwo muti bikaba bivugwa ko ushobora guteza ibibazo ku bantu.

Umwe mu baturage wari uri aho utashatse ko amazina ye atangazwa ariwe watumenyesheje iki gikorwa akaba yavuze ko nyiri Boucheri ibyo yakoraga bisa no kuroga abantu kuko inyama ntizikwiye guterwa iyo miti nkuko yabivuze.

Bamwe mu baturage babonye icyo gikorwa bifuje ko abayobozi bajya bagenzura n’ahandi bagatungura abacuruzi kuko hari n’ahandi bashobora kuba bakora nkuko Omega yakoraga nabo bagafungirwa ndetse bagahanwa.

Mu gihugu cya Uganda ho baherutse gufunga za Boucherie nyinshi kubera ko bo inyama baziteraga imiti batera imirambo  y’abantu kuko ngo iyo miti nayo yica isazi ariko ubundi muri rusange hari imiti yirukana isazi kandi idafite ingaruka ku bantu kuki Atari iyo bakoresha?.

Turacyakurikirana iyi nkuru kugirango dushobore kubaza inzego zafunze iyi Boucherie kugirango batubwire ibihano bifatirwa abantu bakora ibinu nk’ibyo bitemewe.

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.