umu amakuru- Ese nibyo koko Perezida Uhuru na Odinga politike yabo n’agakino baziranyeho ?Museveni na Besigye nabo n’agakino baziranyeho ? | Umusingi

Ese nibyo koko Perezida Uhuru na Odinga politike yabo n’agakino baziranyeho ?Museveni na Besigye nabo n’agakino baziranyeho ?

Views:
145

Isi yose usanga ivuga ko Africa nta Demokarasi kubera Abakoloni bakiyikoloneje ndetse bakoresha bamwe mu ba Perezida ugasanga bakora ibyo bashatse kubera inyungu runaka z’umukoloni uba warakoloneje icyo gihugu.

Bamwe usanga bategetse imyaka myinshi cyane kubera inyungu z’Abakoloni nka Uganda Perezida Museveni amaze imyaka myinshi Dr.Besigye yagerageje kumukura ku butegetsi byaranze.

Ibyo umuntu yavuga kuri Demokarasi muri Africa n’ibyinshi ariko icyo twe uyu munsi tushaka kuvugaho tukagisesengura n’uburyo igihugu cya Kenya kimaze kuba kimwe mu bihugu bimaze kugaragaza Demokarasi ku rwego rushimishije ugereranije n’ibihe byashize.

Perezida wa Kenya Uhuru mu minsi ishize aherutse guhoberana na Odinga bari bahanganye mu matora mu minsi yashize abantu baratangara.

Abantu babibonye bikabatangaza bibazaga niba na Perezida Museveni ashobora guhura na Dr.Besigye nabo bagahoberana ariko abantu bavuze ko bitashoboka ariko abandi bakavuga ko byashoboka.

Uhuru ahoberana na Odinga

Hari bamwe bavuga ko ari agakino baziranyeho hagati yabo bombi dore ko bivugwa ko bakuze baziranye bakajya mubya politike bose bakaba barasanze nta mpamvu zo guhangana bikomeye kandi bose icyo bashaka ari icyubahiro cyo kuba Perezida n’amafaranga no kumenyekana kandi bombi byose barabifite.

Aho bigeze kuba Perezida uturutse mu kurwanya uriho ntibyoroshye muri Africa ariko ubu ikigaragara ni uko mu gakino Uhuru na Odinga bakina ,umunsi umwe abantu bazatangazwa no kubona Odinga abaye Perezida wa Kenya kandi abifashijwemo na Uhuru kuko urebye uburyo bahoberanye ubonamo ibintu byinshi bitazwi hagati yabo.

Dr.Kiiza Besigye asuhuzanya na Perezida Museveni

Abo bombi Uhuru na Odinga wabonaga bishimye cyane ku mitima yabo nta bugome ubona umwe afitiye undi kandi n’abantu bari bahari ku mpande zombi wabonaga babyishimiye kubona Perezida asaba imbabazi umuntu umurwanya nawe akazisaba Perezida n’ibintu bishya muri icyo gihugu aho abantu bavuga ko byose bishoboka na Odinga azaba Perezida.

Abakurikirana ibya politike muri Africa bavuga ko urwego rwa Demokarasi Uhuru na Odinga bamaze kugeraho muri Africa bamaze gutera imbere cyane bitandukanye na Uganda.

Museveni nawe yabikora ariko ntago afite umuco wo guseka abonye abamurwanya nka Bisegye nkuko Uhuru yabigenje ndetse Uhuru yigeze gusura Odinga yagize ibyago kimwe mu bimenyetso ko ari agakino kabo baziranyeho.

Muri Uganda Perezida Museveni yigeze gusuhuza Dr.Besigye ubwo bahuriraga mu kiganiro cyitwa Presidential debates ariko ntago bahoberanye bahanye amaboko gusa ariko bikavugwa ko naho mu minsi iza ibyo Uhuru na Odinga bakoze no muri Uganda bizaba.

Ibya Uhuru na Odinga uretse ko muri Uganda bitarashoboka no mu Rwanda ntibiraba kuko n’ikiganiro Presidential debate ntago Perezida Kagame yagaragayemo ndetse na Dr.Frank Habineza yanze kujyayo.

Ku bijyanye na Demokarasi Kenya imaze kugera kure kuko urukiko rwikirenga muri icyo gihugu rwafashe icyemezo cyo gusubirishamo amatora ibintu bitamenyerewe muri Africa .

Hari ibihugu byinshi tuzabagezaho mu isesengura ryacu harimo Nigeria ,Tanzania,Zimbabwe n’ibindi bimaze gutera intambwe muri Demokarasi.

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.