umu amakuru- Diana Teta ,Liza,Kamichi ,Alpha Rwirangira,Frank Joe na K8 Kavuyo babaye iki? | Umusingi

Diana Teta ,Liza,Kamichi ,Alpha Rwirangira,Frank Joe na K8 Kavuyo babaye iki?

Views:
130

Muri iyi minsi abantu baravuga ko umuziki wo mu Rwanda wasubiye inyuma ariko ntibavuge ikiwusubiza inyuma aribyo bimwe Ikinyamakuru Umusingi cyabacukumburiye.

Mbere na mbere hari abahanzi babahanga cyane nka Teta Diana waje muri muzika nyarwanda abantu bose bakibaza aho uyu mukobwa yabaga mbere kubera creativity yari afite n’ijwi ryiza ariko ubu ninde uzi aho ari n’ibyo akora?ninde uheruka kumva indirimbo ye cyangwa aherutse gusohora?.

Teta Diana bivugwa ko yibera hanze mu bihugu bitandukanye asigaye aza mu Rwanda gake cyane gashoboka.

Ntago ari Teta Diana gusa ahubwo nibenshi cyane uwitwa Kamichi ubu aba muri Amerika muramwibuka mwese abica bigacika mu ndirimbo Kabimye n’izindi nka Zoubeda yakoranye na The Ben n’izindi nyinshi ninde se uheruka kumva ijwi rye ryiza yagiraga?ninde se uheruka kumva indirimbo yasohoye?ahubwo abamubona bamubona arimo guterura ibyuma akora umubiri wagirango agiye kujya mu irushanwa ryiteramakofe.

Rukundo Frank Joe uba muri Canada

Uwitwa Frank Joe uba muri Canada wagirango ntago yigeze aba umuhanzi kandi yari umuhanga cyane abamwibuka akorana indirimbo na Kidumu Kibido bari bazi ko umwana w’umusore afatishije ndetse ibihembo byose azabitwara ariko ubu yimukiye kuri Facebook niyo asigaye ashyiraho amavidiyo ye abyina n’ibindi yishakiye umuziki bisa naho yawibagiwe ko yigeze kuwukora.

Alpha Rwirangira yibukwa azana igihembo cya Tusker Project Fame aje asohora uturirimbo tungahe atangira kwiyemera kubanyamakuru agura n’akamodoka ariko aho yarengeye ntawahamenye.

Diana Teta

 

Gusa Alpha Rwirangira uba muri Amerika mu minsi ishize yasohoye indirimbo nshya yitwa Question nziza ndetse afite n’indi yitwa Yes kandi zose ninziza ariko kubera abanyamakuru baziko ari umwiyemeze n’iyo zaba nziza gute n’ibake bazatangaza inkuru z’ibihangano bye kandi nawe amaze nk’ababahanzi basohora indirimbo bakumva ko byarangiye abanyamakuru bazabashaka.

Umugabirwa Kamichi

Bibagirwa ko bari muri Business baba bakwiye kwamamaza ibihangano byabo ndetse no kumenyana n’abanyamakuru ariko Rwirangira muri rusange arakora ariko ikibazo cye ni uko adafite Manager umufasha kumenyekanisha ibihangano bye.

Undi twavugaho ni uwitwa K8 Kavuyo uba muri Amerika  aheruka kumvikana mu ndirimbo ndi uwikigali yarimo Meddy na The Ben nawe ariko nyuma yaho ntago arongera kuvugwa ngo abantu hirya no hino wumve bamuvuga ,ibyo byose byabuzwa n’iki gusubiza muzika inyuma?.

Alpha Rwirangira

Hari benshi babahanga nka Alion Victory uyu musore yarabuze kandi yari umuhanga ,abandi nka Jody ,Alion,Jay Polly ,Rafiki ,Sandra Miraj,uwitwa Liza Kamikazi yari umuhanga cyane ariko yarabuze ,Miss Joja yari umuhanga ariko muzika yarayiretse n’ibenshi cyane umuntu yavuga bari abahanga ariko muzika irabananira ariko impamvu z’atumye bananirwa ziratandukanye.

Liza Kamikazi

Ababa hanze nibo bakabaye bakora cyane nkuko The Ben na Meddy na Emmy na Kitoko bakora ndetse na Princes Priscillah ariko nka Kamichi ,Frank Joe ,K8 Kavuyo ,Diana Teta kuki badakora?.

Bamwe muri aba bahanzi bo mu Rwanda bamwe bitwaza ko hari ubukene ndetse abandi bakavuga ko hari imitego myinshi yo kubanza gusaba uruhushya aho gukorera igitaramo aho bavuga ko bitaba gusaba uruhushya ahubwo bajya bamenyesha inzego ariko abandi nabo n’abanebwe ndetse no kutamenya kwamamaza ibihangano byabo.

Abandi amafaranga babonye barayanywera cyangwa bakayashyira mu bindi bitari muzika bagahomba mu gihe baba bizeye ko bazabona andi.

 

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.