umu amakuru- Itohoza :Umugambi wo kurasa Perezida Museveni ajya mu nama ya KOMESA uko wari wapanzwe wamenyekanye | Umusingi

Itohoza :Umugambi wo kurasa Perezida Museveni ajya mu nama ya KOMESA uko wari wapanzwe wamenyekanye

Views:
1018



Amakuru agera ku kinyamakuru Umusingi uyu munsi aravuga ko Perezida Museveni wa Uganda yagombaga kuraswa ku itari ya mbere 1 Kamena 2018 ubwo yagombaga kujya mu gihugu cy’uBurundi mu nama ya KOMESA.

Amakuru avuga ko aya makuru Perezida Museveni wa Uganda akaba yarayamenye ayabwiwe na maneko z’Abafaransa ahita amenyesha bagenzi be uwo mugambi bahita inama bayimura ku mpamvu bavuze ko nta mutekano muri icyo gihugu inama yagombaga kuberamo bayimurira I Lusaka mu kwezi gutaha itariki itaramenyekana.

Amakuru akomeza avuga ko inyeshyamba z’Abarundi arizo zari zahawe uwo mugambi ariko amakuru akaba atavuga uwazihaye uwo mugambi ariko itohoza ryacu rikaba rigicukumbura kugirango uwatanze ikiraka nawe tumumenye.

Umugambi ukaba wari uwo kurasa na Misile indege ya Perezida Museveni igiye kugwa ku kibuga cy’indege cya Bujumbura agapfa.

Bamwe mu banyapolitike bavuga ko impamvu bashaka kurasa Museveni ari uko ariwe uha Perezida Nkurunziza w’uBurundi imbaraga zo kuguma kubutegetsi.

Hari abandi bavuga ko Abafaransa bashaka guteza umwuka mubi mu bihugu bya East Africa kugirango habeho urwicyekwe rw’abakuru b’ibihugu batangire gutinyana n’ibyo bapanga gukora bihagarare.

Amakuru akomeza avuga ko inama ya KOMESA yahagaritswe ku munota wa nyuma kubera amakuru Museveni yari amaze kumenya ko hari umugambi wo kumuhitana bityo ahagarika gahunda yo kujya mu Burundi n’abandi bahita batinya inama ihita ihagarikwa yimurirwa Lusaka.

Aya makuru ndetse akaba amaze gukwirakwira ku mbuga nkoranyambaga nka Facebook n’izindi zitandukanye.

Muhungu John –Kampala

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.