umu amakuru- Mbere yo kumenya politike ya Syria igiye guteza intambara y’Isi ariko Burundi ,DR.Congo ,Uganda ,Tanzania,Rwanda ,S.Sudan naho ntibyoroshye (Soma inkuru irambuye ) | Umusingi

Mbere yo kumenya politike ya Syria igiye guteza intambara y’Isi ariko Burundi ,DR.Congo ,Uganda ,Tanzania,Rwanda ,S.Sudan naho ntibyoroshye (Soma inkuru irambuye )

Views:
758

Usanga abantu basoma ibinyamakuru nka BBC cyangwa AL jaazira n’ibindi bitangazamakuru bitandukanye bikomeye ku isi ugasanga bazi amakuru ya Syria ,Iran na Amerika uburyo barasana ndetse ibyo bihugu bigiye guteza intambara y’Isi ariko ntibamenye uburyo Perezida Nkurunziza ateje ikibazo mu Burundi ,Kabila muri Congo ni uko n’ibindi bihigu bikabigenderamo.

Ikinyamakuru Umusingi cyabakoreye isesengura ryakozwe n’abanyamakuru Muhungu John na Rwego Tony maze basesengura ibibazo biri muri Africa y’Iburasirazuba.

Duhereye mu gihugu cy’uBurundi aho Perezida Nkurunziza adashaka kuva ku butegetsi bikaba bimaze guhitana ubuzima bwa benshi abandi batabarika bakaba barakwiriye Isi yose bashaka ubuhungiro babayeho nabi mu buhunzi.

Amakuru avuga ko hari ibihugu bishyigikiye Perezida Nkurunziza kubera inyungu zitandukanye ,nkuko mubona Iran na Russia  zishyigira Syria na Amerika n’ibindi bihugu  bigashyigikira inyeshyamba zirwanya Assad kubera iki?.

Katumbi na Kabila

Aba bose baragerageje barananirwa Gen.Nkunda ukurikiyeho ni Perezida Kabila hagakurikiraho Col.Makenga na Gen.Ntaganda

Perezida Museveni na Perezida Kabila

Nkurunziza na Perezida Museveni

Bitewe naho Syria iherereye Perezida Putin aba avuga ko inyeshyamba ziramutse zikuyeho Assad byateza ikibazo muri Russia bikaba ngombwa ko ashyigikira Assad kimwe na Iran ,Amerika yaba ibonye uko izajya imenya ibibera muri Russia na Iran kandi ibi bihugu biba bipingana mu mbaraga.

Niyo mpamvu ujya kumva ukumva ngo Iran yakoze ibibunda bya kirimbuzi ,Amerika nayo igahaguruka iti kuki Iran ikora izo mbunda bitemewe na Russia igahaguruka igakora ibyayo Korea igakora ibyayo ugasanga hajemo guhangana bimwe bagatangira kwishyira hamwe bikarwanya ibindi nkuko Amerika, Isirayeri ,Ubufaransa n’ibindi bihugu byishyize hamwe bikarwanya Syria yishyize hamwe na Iran na Russia n’ibindi bihugu ubu bikaba bimaze iminsi birasana muri Syria.

Perezida Trump wa Amerika hagati Kim Jongo Un wa Korea na Putin wa Russia

Kimwe no mu bihugu byacu muri DR.Congo Kabila ntashaka kuva kubutegetsiariko hari ibindi bihugu bitamushyigikiye ko ava ku butegetsi ,muri ibyo bihugu harimo nka Uganda kubera ko Kabila yemerera Museveni kwinjira muri Congo akarwanya inyeshyamba za ADF zimubuza amahoro kandi uwasimbura Kabila Museveni akaba atamwizeye ko azamukorera ibyo Kabila yamukoreraga.

Andi makuru dufite ni uko Perezida Museveni afite uruhare rukomeye muri ibi bihugu byose kubera ko ariwe wabatanze ku butegetsi na Perezida Bashiir wa Sudan kandi aba bombi n’inshuti ,uwo Perezida Museveni adashaka na Bashiir ntiyamushaka kandi aba ba Nkurunziza na Magufuli n’abejobundi bagomba kumwimvira ariyo mpamvu ubona mu Burundi Nkurunziza akomeye kuko ashyigikiwe n’abakomeye.

Muribuka igihe Nkurunziza yakorerwaga Coup d’Etat akamara iminsi mu gasozi akagerageza kuza mu gihugu bikanga agasubira inyuma akajya kureba Perezida Museveni ndetse na Kikwete wayoboraga Tanzania icyo gihe bivuze ko aribo bamushyigikiye gusubira ku butegetsi .

Abantu baravuga ko Hussen Rajabu ariwe ushobora gukuraho Nkurunziza ariko se ni nde ushyigikiye Rajabu?benshi mu bahunze igihugu baramushyigikiye ariko ubu ikibazo gihari Perezida Museveni yashyigikira Rajabu?ese Kabila yashyigikira Rajabu?Magufuli wa Tanzania yashyigikira Rajabu?u Rwanda rwamushyigikira ?aho niho hari ikibazo gikomeye kuko Rajabu kubona yaratorotse Nkurunziza niwe wenyine umuraje ishinge ariko icyo atarashobora ni ukwegera bamwe mu ba Perezida bakomeye akabizeza ubufatanye bakamwumva ariko mu gihe bitarashoboka ntaho Nkurunziza azajya.

Reka tuvugeho kuri DR.Congo naho kimwe no mu Burundi nabo bafite amatora kandi Perezida Kabila ntago ashaka kuvaho ndetse arashaka kubashuka agenda yigizayo amatora kugeza 2019 azaba amazeho indi myaka 5 yose bataratora kandi kubera ko ashyigikiwe birashoboka.

Igitangaje ni uko kugeza ubu abahoze barwanya Kabila barimo ba Col.Makenga naba Kazaramba ubu bumvikana na Kabila ndetse bamwe mu ngabo za M23 benshi basubiye mu gisirikare nibo barwanya uvuga nabi Kabila ariko wakwibaza ni gute bamurwanyaga ubu bakaba aribo bamushyigikiye?.

Muribuka amakuru yavuzwe ko impunzi z’abasirikare ba M23 batorotse muri Uganda bakavuga ko batazi aho Col.Makenga aherereye kandi bikaba byarabaye nyuma yo guhura kwa Perezida Museveni na Kabila?ubwo se ntiwumva ibanga riri hagati yabo?.

Amakakuru avuga ko Perezida Nkurunziza yasabye Museveni kumufasha gukemura ikibazo cya M23 cyari kimumereye nabi Museveni amugira inama yo kubemerera imyanya mu gisirikare ndetse bamwe bemerewe amafaranga menshi bityo M23 Kabila aba arayitsinze.

Gen.Nkunda ,Gen.Ntaganda ,Col.Makenga n’abandi baragerageje barananirwa ubu Gen.Ntaganda ari I Lahe ,Gen.Nkunda aba mu Rwanda naho Col.Makenga ari kwa Kabila ariko undi ubu ukomeye ni uwitwa Katumbi uzanye imbaraga ariko nawe n’ubwo akomeye muri Congo akunzwe ndetse afite amafaranga nawe ibyo ashaka azabigeraho bitewe n’abamushyigikiye.

Iyi nkuru ni ndende cyane tuzayikomerezaho ubutaha tubagezeho amakuru ya Tanzania na Kenya na Uganda tuzayisubiraho ndetse tuvuge no ku Rwanda n’umubano muri rusange ndetse n’uburyo ubu ibi bihugu biba bimaze kugera kure mu bucuruzi ariko kubera impamvu za politike bimwe ugasanga ntibyemera kwifatanya n’ibindi nkuko u Burundi btakiba muri East Africa n’ibindi bitandukanye .

About author

Related Articles

Leave a reply

Your email address will not be published. Required fields are marked *