umu amakuru- Computer zari zibitse ibyavuye mu bushakashatsi ku rupfu rwa Andrew Kaweesi na Suzan Magara zibwe | Umusingi

Computer zari zibitse ibyavuye mu bushakashatsi ku rupfu rwa Andrew Kaweesi na Suzan Magara zibwe

Views:
295

Amakuru aturuka muri Uganda hamaze gufatwa abapolisi 2 bari bashinzwe kurinda izo mashine (Computers)nyuma y’uko abazirindaga bari badahari izo mashini zikaba zari zirimo ibyavuye mu iperereza ku rupfu rwa Andrew Felix Kaweesi .
Umuvugizi wa polisi wungirije witwa Luke Owoyesigyire yavuze ko bafashe abapolisi 2 aribo PPC Nicholas Kiyahabwe na PPC Daniel Onyait kubera aribo barindaga ibyo bimenyetso ku rupfu rwa Andrew Felex Kaweesi na Suzan Magara wishwe urwagashinyaguro.
Izi ninemero z’ibyaha baregwa byo kurangara ku kazi bakibwa ibimenyetso byatwaye amafaranga menshi kubishaka ku mpfu 2 zikomeye cyane kugeza ubu byari bigeze kure bamwe mu bishe abavugwa muri iyi nkuru bari bamaze gufatwa bivuze ko ubwo ibimenyetso byibwe abafashwe bazarekurwa kubera nta bimenyetso bihari.

Andrew Felix Kaweesi

Suzan Magara
Umuyobozi w’ishami rya polisi rishinzwe gushakisha ku byaha biba byakozwe witwa AIGP Grace Akullo yavuze ko aho ibimenyetso byari bibitse i Wandegeya hibwe ariko yoherejeyo abapolisi gukora iperereza bataramuha amakuru ariko abibye bakaba bamennye idirisha barinjira bariba kubera ko abaharindaga bari badahari.
Izo mashini (Computer)zibwe nizo zicomekwa ku cyuma kitwa Genetic analyzer kikagaragaza niba koko umuntu wafashwe ku cyaha runaka yakoze icyaha koko cyangwa yaba ntaho ahuriye n’ibyo ashinjwa kikabigaragaza.
Ibyavuye mu bushakashatsi cyangwa iperereza rya polisi ku bwicanyi bwakozwe mu gihugu hose ku mazina yavuzwe hejuru n’abandi nka Abel Katende wakoraga mu bitaro bya Case Hospital ikalunga n’abandi benshi mu gihugu hose ubu bikaba byibwe.
Amakuru aravuga ko hari abantu bakomeye muri polisi bapanze uyu mupangu batinya ko bashobora kuzafatwa ko baba baragize uruhare mu iyicwa ry’abantu bavugwa.
Muhungu John-Kampala

About author

Related Articles

Leave a reply

Your email address will not be published. Required fields are marked *