umu amakuru- Perezida Putin yatitije ibihugu 3 ubwo yoherezaga amato 6 ya rutura y’intambara mu nyanja ya Baltic Sea n’abasirikare 75,000 kugerageza ibisasu | Umusingi

Perezida Putin yatitije ibihugu 3 ubwo yoherezaga amato 6 ya rutura y’intambara mu nyanja ya Baltic Sea n’abasirikare 75,000 kugerageza ibisasu

Views:
688

Ibihugu 3 byatitijwe na Perezida w’uBurusiya (Russia) Vladimir Putin ni Poland, Sweden ne Latvia ,icyabatitije bikaba ari ibisasu na za Grinade zageragezwaga n’uBurusiya  mu Nyanja ya Baltic Sea ihana imbibe n’icyo gihugu maze bitabaza NATO .

Ibi byabaye Kuwa gatandatu nyuma y’iminsi mike Perezida wa Amerika Donald Trump yijeje bagenzi be bayobora Latvia, Estonia na Lithuania ababwira ko ntacyo uBurusiya bwakora Amerika ihari.

Amakuru agera ku kinyamakuru Umusingi avuga ko Perezida Putin amaze kumva ibyo Donald Trump yavuze yahisemo kumwihorera ariko akereka abo Donald Trump yabishye ko bishoboka akurayo amato 6  manini y’intambara ndetse n’abasirikare batojwe neza 75,000 batangira kurasa mu Nyanja ya Baltic Sea.

Putin yarasiraga ibyo bisasu hafi y’umujyi wa Karlskrona wa Sweden ndetse Sweden ikaba ariyo yatangiye guhura mu ishyirahamwe ry’ibihugu bikomeye NATO isaba Amerika ,uBwongereza ,uBufaransa,uButaliyani n’ibindi bihugu bikomeye kugira icyo babwira Russia.

Inzego z’iperereza mu Bwongereza zirimo gukora iperereza ahavugwa ko ariho Maneka yaherewe uburozi

Ibi byatangiye gutinyisha ibihugu by’Iburayi biturutse ku kibazo cyo gushyamirana kumaze iminsi hagati y’uBurusiya n’uBwongereza ku kibazo cy’umurusiya Sergei Viktorovich Skripal w’imyaka 66 n’umukobwa  we w’imyaka 33 wari maneko anekera ibihugu byombi ariko agahabwa uburozi ku butaka bw’uBwongereza bigateza umwuka mubi hagati y’ibihugu byombi ndetse birakomeza bigera no mu bindi bihugu ku buryo abadiplomate ba Barusiya mu Bwongereza birukanywe n’Abarusiya barirukanwa.

Nyirabayazana akaba ari Minisitiri w’Ubwongereza May Theresa washinjije Perezida Putin gushaka kwica Sergei Viktorovich Skripal w’imyaka 66 n’umukobwa  we .

Inzobere muri Minisiteri y’umutekano mu Burusiya witwa Nikolai Patrushev yavuze ko uko kugerageza imbunda zabo n’amato y’intambara bizamara iminsi 4 bikaba bigamije kurinda imipaka ya Russia ndetse no kumenya uko bahanga n’uBwongereza buramutse buteye uBurusiya.

Amato y’intambara akaba yari hagati ya Lithuania na  Poland ahitwa  Kaliningrad bikaba byahangayikishije ibyo bihugu bihana imbibe n’uBurusiya.

Muhungu John-Kampala

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.