umu amakuru- Ese Gen.Kayihura niwe wishe Kaweesi?Kuki ashaka kwishyura Miliyoni 800 ku muntu yabwiraga ngo ashinje Gen.Tumukunde ko ariwe wishe Kaweesi | Umusingi

Ese Gen.Kayihura niwe wishe Kaweesi?Kuki ashaka kwishyura Miliyoni 800 ku muntu yabwiraga ngo ashinje Gen.Tumukunde ko ariwe wishe Kaweesi

Amakuru aturuka mu gihugu cya Uganda aravuga ko Gen Kale Kayihura ari mu mishyikirano n’umugabo wa mureze mu rukiko kubera kumufungisha akamuhata kuvuga ko ariwe wishe Andrew Felix Kaweesi abitegetswe na Lt.Gen.Tumukunde wari Minisitiri w’umutekano akaba yarirukaniwe rimwe na Gen.Kayihura.

Umusirikare ufite ipeti rya Majoro witwa Galabuzi Musisi niwe Gen.Kale Kayihura yahimbiye ibyaha harimo no kwica Andrew Felix Kaweesi ajya kumufungira ahitwa Nalufenya aho avuga ko yishwe urubozo.

Ikinyamakuru cyo muri Uganda cya Bukedde kuri uyu wa 12 Werurwe 2018  cyavuganye n’uwari umunyamategeko wa Galabuzi    Musisi witwa Ladislaus Rwakafuuzi yemeza ayo makuru ko Musisi yareze Kayihura ariko Kayihura akajya kumusaba ko urubanza rukurwa mu rukiko bakumvikana amafaranga ashaka akayamuha bikarangira.

Gen.Kale Kayihura ibumoso ari kumwe na Nyakwigendera Andrew Felix Kaweesi

Uyu niwe urega Galabuzi Musisi urega Gen.Kale Kayihura

Uko Kaweesi yarashwe amasasu 38 yose

Ladislaus Rwakafuuzi yagize ati “nibyo koko urubanza twari twereze Gen Kayihura ariko adusaba ko urubanza turuhagarikisha bityo twicara ahantu hanze y’urukiko Kayihura yishyura amafaranga yishyura mu kwezi kwa 7”.

Rwakafuzi yanze kuvuga amafaranga Gen Kayihura yishyuye avuga ko byaba atari byiza kuvuga amafaranga mu itangazamakuru ariko hakaba hari amakuru yaturutse mu nzego z’iperereza avuga ko Kayihura yishyuye Musisi Miliyoni 200.

Musisi yemereye iki kinyamakuru ko yahuye na Kayihura amusaba kumwishyura Miliyoni 800 kugirango byose birangire n’ibikoresho bye byose byatwawe birimo amatelephone 9 harimo 4 y’umugore wa Musisi na Laptop n’ibindi byinshi ariko Kayihura n’abamwunganira mu mategeko bifuzaga kwishyura Miliyoni 100.

Musisi avuga ko atari ubwa mbere Kayihura amubeshyera kuko hari n’ikindi gihe bigeze kumubeshyera baramufunga ndetse arakubitwa bikomeye agera aho yumva ashizemo umwuka inshuro 3 zose ikaba ariyo mpamvu yamusabye Miliyoni 800 zose ndetse bakandikirana ko atazongera kumubeshyera ariko Kayihura akaba atarubahirije amasezerano Musisi akaba agiye gusubira mu rukiko kurega Kayihura.

Musisi yavuze ko Kayihura  yabanje kohereza abapolisi be yakoreshaga barimo uwitwa Abbey Kitagenda, Siraje Minaana na  Miramira bamusanga Nalufenya barabanza bamwica urubozo barangije bamubwira ibyo Sebuja yabatumye ko yemera ko ariwe wishe Kaweesi abitumwe na Tumukunde arabahakanira kugeza ubwo Kayihura yigiriye Nalufenya barabonana amaso ku maso.

Musisi yagize ati “Nanjye ninshaka nzapfe ariko Kayihura ntazincika nawe natanyishyura azafungwa nkuko nawe yafungishaga abandi”.

Musisi yahinduye umwunganizi mu mategeko Rwakafuzi aramureka kuko yabonaga Rwakafuzi amuhatira gufata amafaranga Kayihura yabahaga ahitamo kuzana undi witwa George Muhangi ubu akaba ariwe ubikurikirana .Urubanza bwa mbere rwabaye umwaka ushize mu Kuboza 2017 rusubirwamo muri Mutarama uyu mwaka 2018 ,iburanisha rikaba ryarabereye Tweed Towers umucamanza akaba yari Margaret Oumo.

Ku itariki 17 uku kwezi nibwo Kaweesi azaba yujuje umwaka yishwe arashwe n’abantu bataramenyekana ndetse umuryango ukaba wateguye umuhango wo kumwibuka mu rugo rwe ahitwa Kulambiro.

Muhungu John =Kampala

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.