umu amakuru- Uko ibyago biza utabizi:Yagiriye impuhwe uwari wabuze icyo kurya yabuze aho arara amugejeje iwe ninjoro arapfa undi arafungwa | Umusingi

Uko ibyago biza utabizi:Yagiriye impuhwe uwari wabuze icyo kurya yabuze aho arara amugejeje iwe ninjoro arapfa undi arafungwa

Views:
279

Umugabo yagize ibyago bidasanzwe kubera impuhwe ze ,Umunsi yavugaga ku kazi aho yubakishaga inzu muri Kigali ageze ku muhanda ahasanga umugabo yicaye ariko asa n’umuntu ufite ibibazo bikomeye ndetse ushonje.

Yaramurebye aramusuhuza ati ko wicaye aho kandi bwije urashaka iki?burya baca umugani mu Kinyarwanda ngo agasozi uribugweho bwira ukagezeho n’ibyago iyo biribuze nta wabitangira.

Twirinze kuvuga amazina y’aba bantu kugirango tubagezeho amakuru ndetse wenda bifashe bamwe kwirinda n’ubwo utamenya inzira nzima wakoresha mu kwirinda ibyago ariko wagerageza.

Umugabo amaze kuvugana nawe undi yamubwiye ko hari umuntu yaje gushaka aturutse mu Ntara ariko yamubuze undi ati nonese urabigenza ute?.

Undi ati nanjye byanyobeye ubu ninzara iranyishe ndetse sinzi aho ndiburare ,uwari mu modoka ye atashye ati ngwino njye kugucumbikira ejo mugitondo uzajye kumushaka n’umubura utahe ubwo nyine yarakubeshye.

Yagiye mu modoka baragenda kuko uwo mu Boss wari utwaye imodoka yari atuye mu nkengero z’umujyi wa Kigali yibana maze bageze mu rugo Boss arateka kuri gas arahisha bararya barangije amujyana mu cyumba cy’Abashyitsi araryama.

Boss bazindutse mu cyakare bamushaka aho yubakishaga inzu asiga abwiye umushyitsi ati hano muri telemusi harimo icyayi n’ubyuka aze kunywa icyayi n’umugati urahari ariko amubwira yambara yihuta kugirango adatinda kugera ku kazi kuko baramushakaga byihutirwa.

Uko Boss yamubwiraga yihuta yumvaga umuntu yigaragaru mu cyumba akagirango arimo kumwumva naho umuntu arimo gusamba.

Boss yahise yigendera ajya ku kazi bisanzwe ,hari mushuti we wajyaga aza akifungurira akanywa icyayi cyangwa se akarya yarangiza agakinga akigendera ,ni uko uwo mushuti we yaraje aje kunywa icyayi asanga inzu urugi ntirukinze ati se uyu munsi ntiwakoze?ahita asunika urugi arinjira.

Ahamagaye yumva nta muntu umusubiramo akoze ku cyumba cya Boss asanga kirakinze ati se noneho waraye mu cyumba cy’abashyitsi?ajya kureba abona umuntu araryamye ajya kureba asanga n’umuntu wapfuye.

N’ubwoba bwinshi yasohotse yiruka ariko umukecuru wanyuragaho abona uwo musore yiruka kandi adakinze ndetse abona amazi ya menetse mu nzu arimo gutemba asohoka ,umukecuru ati se ko mbona usize amazi ameka kandi udakinze?.

Umusore nuko araza amubwira uko byagenze byose maze umukecuru amugira inama yo guhamagara polisi maze barayihamagara iraza basanga umuntu yapfiriye mu nzu ya Boss kandi Boss nta kintu azi ahubwo yibereye ku kazi.

Polisi yaramuhamagaye imubaza aho ari arayirangira nk’umuntu udafite icyo yishinja cyangwa yikanga bityo barahamusanga bamukubita amapingu baramujyana asanga umuntu yacumbikiye yapfuye.

Ubwo Polisi ntiyumvaga buryo ki wacumbikira umuntu utamuzi agapfira iwawe ,na mushuti wa Boss wajyaga ajya kunywayo icyayi hari abavugaga ko wenda ashobora kuba ariwe wamwishe nawe yarafashwe bose barafungwa.

Ese ko abantu bagira ineza agatanga lifuti cyangwa akakugurira ibiryo cyangwa akagucumbikira kandi atabanje kukubaza indwara urwara cyangwa no kugusaba ibyangombwa abantu bazareke gufasha?cyangwa wafasha igishaka kuba n’ubundi kiraba?.

Ese ukuri kwa Boss kuzamenyekana?ese umurambo bawupima bakamenya niba yarishwe cyangwa yarafite indwara ikomeye umunsi we wageze arapfa ariko apfira ahantu atagombye gupfira?.

Nyuma yo gusoma iyi nkuru ushobora gutekereza ibintu byinshi bamwe bakavuga ko bagiye kwirinda guha abantu lifuti abandi nabo bati nta muntu uzongera kurara mu rugo tutamuzi n’abandi bati umunsi w’umuntu iyo yageze arapfa ahoy aba ari hose kandi ibibazo bigiye kuza ntibibanza kuguteguza n’ibindi byinshi.

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.