umu amakuru- Charly na Nina uyu munsi basohoye indirimbo bise ‘Abagore dufite imbaraga’ | Umusingi

Charly na Nina uyu munsi basohoye indirimbo bise ‘Abagore dufite imbaraga’

Views:
124

Kuri munsi tariki ya 8 Werurwe buri mwaka uba ari umunsi mukuru mpuzamahanga wahariwe abagore ku Isi yose.

 Kuri uyu munsi  Charly na Nina bashyize hanze indirimbo batuye abagore mu rwego rwo kwifatanya nabo iyo ndirimbo bakaba bayise Abagore dufite imbaraga.

 Mu rwego rwo kwifatanya n’abandi bagore Iyi ndirimbo nshya bise ‘Dufite imbaraga’ iyi ikaba ari n’indirimbo bitiriye Album yabo nshya bamuritse umwaka ushize tariki 1 Ukuboza 2018 muri Camp Kigali igitaramo cyitabiriwe bikomeye ndetse cyanagenze neza ubwo aba bahanzikazi bamurikiraga abanyarwanda album yabo ya mbere.

 Iyi ndirimbo nshya ya Charly na Nina bahisemo kuyishyira hanze kuri uyu munsi mu rwego rwo kwifatanya n’abandi bagore kwizihiza umunsi mpuzamahanga wabahariwe.

Charly abajijwe bumwe mu butumwa bukubiye muri iyi ndirimbo akaba yavuze ko bashaka kumvisha abantu ko umugore ubu afite imbaraga icyo ashaka cyose yagikora kandi akagera ku cyo ashaka kugiraho akoze cyane.

Charly yakomeje avuga ko ubutumwa burimo ,harimo ko abagore ari abantu b’agaciro bafite imbaraga, batanga ko bakwiye guhaguruka bagakora bakarera abana babo ndetse bakabigisha gukunda u Rwanda bityo igihugu kikagera ku iterambere rirambye bagatandukana n’abacyera bari badafite ijambo .

 Iyi ni indirimbo ya mbere aba bahanzikazi bafite ubuhanga ndetse bakunzwe cyane  bashyize hanze nyuma yo gutandukana na Muyoboke Alex wari umujyanama wabo kuva mu myaka itanu ishize.

Iyi ndirimbo nshya ‘Abagore Dufite Imbaraga‘ ya Charly na Nina yakozwe mu buryo bw’amajwi na Nessim umwe mu bagabo bazwiho ubuhanga mu gutunganya indirimbo z’abahanzi banyuranye yaba abanyarwanda ndetse nabandi benshi bo mu karere uyu akaba akorera muri Uganda.

Umuhanzi Nina we yabwiye Ikinyamakuru Umusingi ko impamvu bahisemo gusohora iyi ndirimbo uyu munsi ati “Ni indirimbo twageneye anagore kuri uyu munsi niyo mpamvu twahisemo kuyisohora uyu munsi kugirango bumve ubutumwa bwiza buyirimo kandi bubafashe”.

 

 

 

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.