umu amakuru- Polisi ya Uganda yamaze gufata abakobwa 8 kubera Simcard zakoreshejwe n’abantu bafashe bugwate umukobwa Magara nyuma bakamwica | Umusingi

Polisi ya Uganda yamaze gufata abakobwa 8 kubera Simcard zakoreshejwe n’abantu bafashe bugwate umukobwa Magara nyuma bakamwica

Amakuru aturuka mu gihugu cya Uganda aravuga ko Polisi imaze gufata abakobwa 8 nyuma yo gusanga simcard zakoreshejwe n’abantu bafashe bugwate umukobwa Suzan Magara bagasaba ise Miliyoni y’Amadorari abaha Miliyoni 700 z’amashilingi ariko bararenga baramwica.

Bamwe mu bantu batangiye kugira impungenge kubera kwibwa Telephone zirimo simcard ntibajye guhinduza cyangwa rimwe na rimwe bagata simcard ntibakurikirane none bikaba bivugwa ko abafashwe bashobora kuba bamwe baribwe Telephone ntibakurikirane none zikaba zarakoreshejwe mu kwica umuntu.

Umwe mu bavandimwe b’umwe mu bafashe yabwiye ibinyamakuru muri Uganda ko hari isomo bize kubera Telephone ati “Ni abakobwa bangahe se iyo babibye Telephone ko bagira ubute bwo kujya gukoresha swapu ko bahita bagura indi none bamwe bikaba bibakozeho”.

Nguwo Suzan Magara wafashwe bugwate nyuma y’iminsi 21 baramwica

Uwari Minisitiri w’umutekano Tumukunde asaba imbabazi umuryango wa Magara

Dr.Col.Kiiza Besigye yagiye gushyingura

Imodoka imwe yakoeshwe n’abagizi ba nabi yafashwe

Uyu mukobwa Suzan Magara abamufashe bugwate basabaga ise Miliyoni y’amadorari ku buryo bamumaranye iminsi 21 yose mu Mujyi wa Kampala ariko polisi n’igisirikare bananirwa gufata abo bantu kugeza ubwo bamwishe babanje kumukataho intoki 2 basoherereza ise mu ishashi.

Iki ni kimwe kiri mu byatumye Perezida Museveni yirukana Gen.Kale Kayihura  wari umuyobozi mukuru wa Polisi na Gen.Tumukunde wari Minisitiri w’umutekano kubera bananiwe kumenya aho abo bagizi ba nabi bari kugirango batabare umukobwa wafashwe kungufu.

Abo bagizi ba nabi bishe Suzan Magara bakoresheje simcard 17 na Telephone 17 ku buryo n’ibigo by’itumanaho nabyo birimo kubazwa uruhare rwabyo kuko byagombaga gutanga amakuru aho abo bantu baherereye.

Ise wa Suzan Magara bivugwa ko ari umuire cyane ku buryo buri kanya Perezida Museveni yamubazaga aho bigeze niba abo bagizi ba nabi batarafatwa kugeza ubwo umukobwa bamwishe ariko amakuru akaba avuga ko aria bantu bakodeshejwe kuva muri Congo kuko batavugaga neza ururimi rw’iwabo w’umukobwa kuko batuye muri Hoima.

Ise wa Suzan yatanze  Miliyoni 700 z’Amashilingi ya Uganda ariko bararenga umwana we baramwica ariko umukuru wa CMI Kandiho akaba yavuze ko hari abamaze gufatwa bazabafasha kugirango bafate abishe Magara bahanwe kanzi ko yizeye ko bazafatwa bitewe n’ibimenyetso bamaze kubona atabwira itangazamakuru.

Muhungu John=Kampala

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.