umu amakuru- Imva ya Radio umuherwe Brian yemeye kuyubakaho inzu ya Miliyoni 15 | Umusingi

Imva ya Radio umuherwe Brian yemeye kuyubakaho inzu ya Miliyoni 15

Views:
206

Umuherwe muri Uganda witwa Brian White amaze kumenyekana cyane kubera uburyo ahantu hose habaye ikintu usanga yahageze ndetse akagira icyo akora ku buryo avugwa mu itangazamakuru ubu akaba yamaze kwemera kubaka inzu ku mva y’umuhanzi Moze Radio uherutse kwicwa.

Amakuru aturuka muri icyo gihugu cya Uganda avuga ko uyu muherwe ukiri muto mu myaka yemeye kubaka ku mva ya Radio inzu izatwara agera kuri Miliyoni 15 zose ndetse ikaba irimo gusozwa.

Abantu batandukanye muri Uganda baganiriye n’umunyamakuru wacu uba Kampala witwa Muhungu John bibaza aho uyu musore yakuye amafaranga ku buryo agenda ayatanga nkaho afite ikizere ko atazamushiraho cyangwa afite aho ayacukura.

Uyu muherwe witwa Brian White Radio atarapfa igihe yari mu bitaro arembye habuze amafaranga yo kwishyura ibitaro yafashe Miliyoni 25 nkuko byagaragaye mu bitangazamakuru bitandukanye yishyura ibitaro n’ubwo atari ahagije kwishyura ayo ibitaro byashakaga ku buryo na Perezida Museveni yatanze andi Miliyoni 30 ariko byose byabaye ubusa arapfa.

Umuherwe Brian White

Inzu ya Radio yasize itarangiye yubakiraga nyina

Ibi bitaro byitwa Case Hospital aho yari arwariye nabyo byashyizwe mu majwi ko byanze kuvura uyu muhanzi Radio batarabona amafaranga bashakaga bikavugwa ko iyo yitabwaho aba atarapfuye ariko nyine burya iyo umunsi w’umuntu wageze niyo wakora iki arapfa.

Uyu muherwe rero wiyemeje kubaka inzu ku mva ya Radio nawe aherutse gufungwa ashinjwa urupfu rw’umuntu ajyanwa muri gereza nkuru ya Uganda Luzira mu mpera z’umwaka washize ariko kugerango yerekane ko afite amafaranga menshi yaguriye abafungwa bose inyama zo kurya kuri Noheri dore ko yamusanze afunzwe.

Amakuru agera ku kinyamakuru Umusingi akaba avuga ko yaguze inka 10 nziza zibyubushye maze bazibagira abafungwa kuri Noheri bararya barahaga maze batangira kumubyina bavuga ko nta mukiri umuruta kandi ko agira umutima mwiza ufasha cyangwa utabara abari mu byago dore ko no mu gushyingura Radio yatanze andi Miliyoni 10.

Muhungu John -Kampala

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.