umu amakuru- Intara y’Amajyaruguru hashobora kubakwa gereza y’abatera inda abakobwa b’abangavu kuko bamaze kugera kuri 2468 | Umusingi

Intara y’Amajyaruguru hashobora kubakwa gereza y’abatera inda abakobwa b’abangavu kuko bamaze kugera kuri 2468

Views:
95

Kuwa kane tariki 8 Hashyantare 2018 mu Karere ka Musanze Guverineri w’Intara y’Amajyaruguru Gatabazi Jean Marie Viany yagiranye ikiganiro n’abanyamakuru bari kumwe n’abayobozi b’ibitangazamakuru bitandukanye bari mu mahugurwa y’iminsi 5 muri ako Karere maze baganira ku ngingo zitandukanye harimo n’ikibazo kimaze iminsi kivugwa mu gihugu hose cy’abana babangavu baterwa inda.

Guverineri yagaragaje ko ikibazo gihangayikishije benshi ati “Ibaze ari umwana wawe waramurihiye arimo arangiza umwaka wa gatandatu bakamutera inda wakumva utababaye?niyo mpamvu tudashaka ko hari ubabara ahubwo dufatanye twese kurwanya iki kibazo namwe abanyamakuru mudufashe”.

Guverineri yabajijwe nib anta bundi buryo bwaboneka butari ugufunga abateye inda kuko hari abatekereza ko hajya harebwa niba uwateye inda afite ibyatunga umwana na nyina akaba yakomeza kubatunga aho kumufunga kandi ugasanga umubyeyi n’umwana nabo babuze ikibatunga kandi n’ufunzwe agatangira gukonsoma Leta.

Guverineri yavuze ko ibyo bishoboka ariko nanone bishobora gutuma bisa nibishyigikiye abatera inda abangavu.

Umwe mu baturage twabajije kuri iki kibazo uko acyumva utarashatse ko amazina ye atangazwa yagize ati “uwo mubare ni munini bagiye gufunga bakubaka gereza yabo bobonyine kuko ni benshi”.

Guverineri Gatabazi ariko avuga ko bishoboka ko umuhungu cyangwa umugabo ashobora gutera inda abakobwa batandukanye mu Turere dutandukanye cyangwa mu Mirenge itandukanye ku buryo ashobora kuva mu Murenge umwe ateye inda yakumva ashakisha agahungira mu wundi Murenge uri kure n’uwo yari atuyemo.

Guverineri ku bagabo bakuru batera abangavu inda avuga ko bazajya babanza gufata imwe mu mitungo ye igahabwa umuryango urera uwo mwana kugirango imufashe maze ibindi bikurikire nyuma.

Uko imibare y’abatewe inda mu Turere tugize Intara y’Amajyaruguru.

Gakenye 179

Gicumbi 506

Burera 458

Musanze 728

Rulindo 597

Kugeza ubu iki kibazo kiracyahangayikishije cyane ku buryo inzego zose zirimo MIJEPFOFE ,G.M.O,Polisi na Leta muri rusange.

About author

Related Articles

Leave a reply

Your email address will not be published. Required fields are marked *