umu amakuru- Hagumimana uvugwa ko Gitifu wa Rugerero yahaye amafaranga Miliyoni zirenga 5 z’umuturage yandikiye Perezida Kagame amutakambira. | Umusingi

Hagumimana uvugwa ko Gitifu wa Rugerero yahaye amafaranga Miliyoni zirenga 5 z’umuturage yandikiye Perezida Kagame amutakambira.

Views:
424

Amakuru aturuka mu Karere ka Rubavu aravuga ko Uwitwa Hagumimana Jules wahawe amafaranga Miliyoni zirenga 5 ,azihawe n’ubuyobozi bw’Umurenge wa Rugerero uyobowe n’Umunyamabanga nshingwabikorwa witwa Uwajeneza Jeanette yandikiye Perezida Kagame amutakambira ko ayo mafaranga atayabona.

Kuwa 29 Mutarama 2018 Ikinyamakuru Umusingi cyashatse kubaza Hagumimana Jules niba koko yarandikiye Perezida Kagame amutakambira ko atazabona amafaranga yategetswe kwishyura n’urwego rw’Umuvunyi nyuma yo gusanga yarahagarariye abantu bataba mu gihugu mu buryo butemewe n’amategeko.

Nsabimana Maurice umwe mu bazungura ba Ntawumenyumunsi ushinjwa ibyaha bya Jenoside 

Amafaranga avugwa muri iyi nkuru yateje ibibazo byinshi akaba yaraturutse ku muturage witwa Uzamushaka Providance umwuzukuru wa Ntawumenyumunsi Marc na Nyirabashyitsi Anastasie yasigaye mu mitungo yabo kuko ariwe wari usigaye mu Rwanda abandi bahunze igihugu abandi bajya kuba hanze y’igihugu maze agurisha imwe mu mitungo.

Umuvunyi mukuru Murekezi Anastase ibumoso hagati ni Nzabonimpa Ilidephonse na Providance Uzamushaka

Gitifu Uwajeneza Jeanette

Uwitwa Nzabonimpa Ilidephonse niwe waguze ubutaka na Uzamushaka Provdance amaze kugura haza ikigo cya Abashinwa kitwa Hunar Road & Bridge Construction Group bashaka kubaka umuhanda basanga aho Nzabonimpa yaguze ariho bashaka kuba aho bazajya baba ndetse bakabika n’ibikoresho byabo.

Bamaze kumvikana na Nzabonimpa ko bagiye kumwishyura nibwo abazungura ba Ntawumenyumunsi Marc bohereje Hagumimana Jules ngo niwe nyiri imitungo bityo aba atambamiye Nzabonimpa ,Abashinwa amafaranga bayaha gitifu w’Umurenge wa Rugerero ngo uzatsinda hagati ya Ilidephonse na Hagumimana Jules azamuhe ayo mafaranga.

Ikirego cya Gitifu wa Rugerero Uwajeneza Jeanette

Imwe mu myanzuro y’Umuvunyi mukuru

Bamwe mu bagize akanama kashyizweho n’Umuvunyi mukuru gucyemura ikibazo.

Nzabonimpa yaje gutangariza Ikinyamakuru Umusingi ko ashinja gitifu Uwajeneza Jeanette ko yamwimye amafaranga ye ahubwo ayoherereza abantu baba hanze y’igihugu kandi bamwe muribo bashinjwa ibyaha bya Jenoside.

Inkuru yaranditswe nyuma Gitifu Uwajeneza Jeanette arega Ikinyamakuru Umusingi mu rwego rw’abanyamakuru bigenzura

maze bafatira Ikinyamakuru ibihano byo gusaba imbabazi no gukuraho inkuru ku rubuga n’ibindi bitandukanye bavuga ko Ikinyamakuru Umusingi kitahaye Uwajeneza Jeanette umwanya uhagije kandi twaramubajije akanatwandikira ubutumwa bugufi muri Telephone ariko Abakomiseri bavuga ko tutamuhaye umwanya uhagije.Umwanya uhagije ungana gute?utangwa nan de?.

Nzabonimpa na Uzamushaka batangiye kugana Inkiko ndetse bagafungwa kenshi ariko bakavuga ko barengana kugeza ubwo ibirego bigeze mu nkiko zose za Rubavu na Musanze birananirana kugeza ubwo Umuvunyi mukuru Murekezi Anastase yigiriye I Rubavu muri gahunda yo kurwanya akarengane maze agezwaho ikibazo cya Uzamushaka Providance na Nzabonimpa.

Mu mwanzuro w’icyo kibazo dufiteho kopi Umuvunyi mukuru yategetse Polisi kutongera gufunga Uzamushaka Providance na Nzabonimpa Ilidephonse cyeretse hari ibindi byaha bakurikiranyweho ndetse muri uwo mwanzuro bategeka Hagumimana kugaruza amafaranga yahawe n’ubuyobozi bw’Umurenge wa Rugerero kubera ko basanze atariwe uhagarariye abazungura ba Ntawumenyumunsi Marc wapfuye kuko abazungura bose batamusinyiye.

Mu nkuru Ikinyamakuru Umusingi cyanditse yavugaga ko bamwe muri abo bazungura ari abajenosideri kuko twari dufite imwe mu myanzuro y’Inkiko Gacaca yasabaga ko nk’uwitwa Nsabimana Maurice hari imitungo yononwe yagombaga kuriha muri Gacaca ariko ni uko bitahawe agaciro ubwo Uwajeneza Jeanette yaregaga Ikinyamakuru Umusingi ariko ubu Umuvunyi mukuru akaba yategetse ko imitungo imwe ya Ntawumenyumunsi Marc  yishyurwa abo bangirije imitungo yabo.

Urwego rw’Umuvunyi rwashyizeho abantu 13 bogukurikirana iki kibazo barimo abasirikare bakomeye n’abapolisi ndetse n’izindi nzego zishinzwe umutekano aribo bafashe iyi myanzuro yo Kuwa 28/11/2017.

Ikinyamakuru Umusingi kimaze kubona kopi y’iyo myanzuro cyamenye ko Hagumimana Jules yategetswe kugaruza amafaranga Miliyoni zirenga 5 ariko ngo akaba atayafite ahitamo kwandikira Perezida Kagame amutakambira ndetse tumuhamagaye aritaba ariko ntavuge tugeze aho tumwoherereza ubutumwa bugufi kuri Telephone ye igendanwa tumubaza niba koko yarandikiye Perezida Kagame amutakambira abanza kubihakana ageze aho nawe yandika ubundi avuga ko niba dushaka kubyandikaho inkuru twabanza tukarusoma urwo rwandiko yari yabanje guhakana ageze aho yemera ko yanditse arafute.

Bumwe muri ubwo butumwa yagize ati “Niba mushaka kubyandikaho nabasabaga ko mwabanza mukarusoma kuko nimwandika ibyo ntanditse nzabakurikirana”.

Ikindi urwego rw’abanyamakuru bigenzura nabo bakwiye kumenya ni uko Uwajeneza Jeanette yatanze amafaranga nkuko yabibibwiriye ko yayahaye banyirayo mu buryo bunyuranije n’amategeko ariyo mpamvu urwego rw’Umuvunyi rwategetse ko asubizwa kuri konte y’Umurenge wa Rugerero kugeza urubanza Nzabonimpa yareze Akarere ka Rubavu ruzaba Ku itari 6 /2/2018 natsinda ahabwe amafaranga ye.

Nzabinimpa Jules twabuze ifoto ye .

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.