umu amakuru- Uwishe umuhanzi Radio Moze yafashwe na Polisi aho yari yihishe | Umusingi

Uwishe umuhanzi Radio Moze yafashwe na Polisi aho yari yihishe

Views:
220

Polisi yo muri Uganda imaze iminsi ishakisha Bouncer cyangwa wakwita kanyama bivugwa ko ari wakubise umuhanzi Moze Radio bikamuviramo gupfa.

Uyu mugabo witwa Godfrey Wamala bakunda kwita Troy yafashwe n’abapolisi bakorera ahitwa Katwe bari bayobowe na DPC Frantile Lwamusaayi akaba yafashwe tariki 4 Gashyantare 2018 mu masaha ya nimugoroba ahitwa Kyengera naho ni mu nyengero z’umujyi wa Kampala akaba ariho yari yihishe kuva ubwo Radio Moze yakubitwaga akajyanwa kwa muganga bikamuviramo gupfa.

DPC Frantile Lwamusaayi yabwiye itangazamakuru ko kugirango Godfrey Wamala afatwe byaturutse ku muntu atavuze amazina ye watanze amakuru kuri polisi ko hari umuntu wihishe kwa mushuti we kandi bikekwa ko ariwe wishe Radio.

Uyu Wamala yagejejwe kuri polisi abazwa ibibazo bitandukanye ku bijyanye n’umunsi Radio akubitwa mu kabari kitwa De Bar gaherere ENtebe maze avuga ko bari muri ako kabari bicaye ku meza imwe na Radio ,Washington wafataga amashusho y’indirimbo na Hassana Lukwago na George  Egesa nyiri kabari hanyuma batangira guterana amagambo.

Wamala yakomeje avuga ko Radio yatangiye kubirataho ko afite amafaranga menshi kandi ngo udafite amafaranga ababise ,ave ku meza yanyweragaho bityo akurayo amashilling ibihumbi ijana abishyira ku maze ati namwe mukureyo turebe undusha.

Yakomeje avuga ko muri uko kwiyemera kwa Radio yateranye amagambo na nyiri kabare witwa Egasa maze Radio amusukaho inzoga zo mubwoko bwa Black Lebel maze nyiri kabari ategeka aba Bouncer kumusohora kungufu kuko yari arimo gusahindira abakiriya.

Wamala yahakanye ko ariwe wakubise Radio bikamuviramo gupfa ahubwo avuga ko we yasohotse agiye kureba umuntu wagombaga kumwishyura amafaranga ageze ku muryango w’ako kabari asanga Radio ari hasi abantu bahureye barimo kumureba arikomereza aragenda.

Wamala ariko n’ubwo asobanura uko byagenze yananiwe gusobanurira polisi uburyo Radio yavuye ku meza yari yicaranyeho nawe basangira kugera aho yamusanze hanze y’akabari aho avuga ko yasanze ari hasi abantu bamwuzuye hejuru bamubaza icyo yabaye.

Yavuze ko hashize iminsi ibiri Radio ari mu bitaro arembye yatangiye kumva abantu bavuga ko ariwe wamukubise ahitamo kujya kwa mushuti we Kyengela ari naho polisi yamufatiye.Wmala yamaze gufatwa bamujyana kuri polisi ya Katwe akora inyandiko nyuma bajyana kuri polisi ya Entebbe kuko niho batanze ikirego ,ubu akaba ariho afungiye.

Muhungu John –Kampala

About author

Related Articles

Leave a reply

Your email address will not be published. Required fields are marked *