umu amakuru- Ikigo cya Kayonza Vocational School kimaze kuba intangarugero mu kwigisha neza imyuga no gushakira abahiga akazi | Umusingi

Ikigo cya Kayonza Vocational School kimaze kuba intangarugero mu kwigisha neza imyuga no gushakira abahiga akazi

Views:
149

Kayonza mu Ntara y’Iburasirazuba hari ikigo cy’amashuri kigisha imyuga itandukanye kitwa Kayonza Vocational School cyatangijwe n’umugabo witwa Ziwa Ally Shaban afatanije n’umuzungu witwa Helene ,Uyu mugabo uzi gukora cyane ndetse umaze gufasha urubyiruko kwiteza imbere abinyijeje mu kubigisha neza bagatsinda kandi akabashakira akazi.

Kuwa 23 Ukwakira 2017 Ikinyamakuru Umusingi cyasuye iki kigo mu rwego rwo kumenya imikorere yacyo dore ko usanga muri hotel zitandukanye bavuga iki kigo kubera kumenywaho gutanga abakozi beza.

Mu kiganiro twagiranye na Bwana Ziwa Ally Shaban umuyobozi mukuru w’icyo kigo ndetse akaba na nyiracyo afatanije n’umuzungu witwa Helene yadutangarije bimwe mu bifasha ikigo cye gutera imbere ndetse no kuba kizwi cyane aho yagize ati “twe ikidufasha guteza imbere ikigo cyacu ni uko dufite abarimu bigisha neza abana bagatsinda kandi iyo barangije kwiga abatsinze neza tubashakira akazi kandi iyo tukabashakiye bakora neza ugasanga aho bakora badusaba abandi kubera abo tuba twabahaye bakora neza bagatanga umusaruro”.

Uretse n’ibyo ,abashaka kwikoresha badafite amafaranga ahagije twe turabahugura uburyo akazi gakorwa twarangiza tukabaguriza amafaranga bagakora batwishyura buhoro buhoro kugeza barangije kutwishyura ,ibyo tubikora kugirango buri munyeshuri wese wize muri iki kigo cya Kayonza Vocational School abone akaz.

Muri iki kigo cya Kayonza Vocational School bigisha imyuga itandukanye harimo ibyama Hotel (Hotel Operations and Tourism) no kwigisha kudoda (Tailoring and Design)ndetse no gusudira n’ibindi bijyanye no gukora ibyuma nk’utumashini dukora injugu n’ibindi byinshi.

Uwo muzungu niwe Helene ari kumwe na Shaban nibo banyiri kigo

Shaban umuyobozi mukuru akaba na Nyiri kigo cya Kayonza Vocational School

Zimwe mu nyubako z’ikigo cya Kayonza Vocational School

Abanyeshuri barimo kwigishwa ibijyanye na Computer

Hano abanyeshuri barimo kwigishwa ibyo guteka

Shaban yakomeje ashimira mugenzi we Helene ko bakorana neza nta kibazo ndetse bakaba bafite ikindi kigo cy’amashuri yisumbuye cya Nyakayaga High School nacyo kigisha neza abanyeshuri bagatsinda ku buryo umwaka ushize cyatsindishije 100% tukazabagezaho vuba amakuru y’icyo kigo.Iki kigo gifite ibikoresho bihagije bifasha abanyeshuri bahiga kwiga neza ndetse bigatuma bamenya neza ibyo biga bikabafasha gutsinda bigatuma babona akazi keza.

Shaban yabwiye iki Kinyamakuru ati niba hari umuntu wize muri icyo kigo udafite akazi azaze kuri icyo kigo bamushakire akazi.

Ibyo n’ibiti n’amazu y’ikigo iyo uri hanze yacyo ku muhanda .Hagaragara neza ku bantu bakunda ibiti ndetse ushobora kugirango ni Kaminuza ihigishiriza bitewe n’ubwiza bwaho

Akomeza avuga ko ahandi usanga abanyeshuri barangiza kwiga bakabura akazi ariko we kubera ubunararibonye afite mu kwigisha imyuga bituma amenya gushakira abanyeshuri barangije mu ishuri rye akazi aribyo na Leta iba ishaka ko abantu biga imyuga bakiga no kwihangira imirimo aribyo akora kubahugura kwihangira imirimo.

Avuga ko kwiga muri icyo kigo bidahenze ku gihemwe kimwe umunyeshuri yishyura ibihumbi mirongo inani y’amanyarwanda(80.000Rfw) cyangwa Amadorari ijana (USD 100)  kandi bakiga barara mu kigo kandi bagira na gahunda yo gufasha abatishoboye bakabarihirira amafaranga y’ishuri kugeza barangije ndetse bakabashakira n’akazi.

Shaban avuga ko hari abaterankunga muri Canada n’ahandi bafasha abana batishoboye hari bamwe bishyurirwa igice abandi bakishyurirwa yose ndetse n’iyo hari umwana wiga muri icyo kigo iyo agize ibyago agapfusha umubyeyi ikigo kirakomeza kikamwishyurira kugeza arangije.

Shaban avuga ko iki kigo kigiramo abanyeshuri baturuka Uganda na Burundi ndetse n’Abatanzania n’ubwo muri iyi minsi abaturuka Tanzania batakiza kubera impamvu zitaramenyekana.

Abanyeshuri biga barara muri icyo kigo barya neza ,bakaryama neza ku buryo usanga gahunda zose z’ubahirizwa.

Ikinyamakuru Umusingi cyashatse kubaza uyu muzungu Helene Cyr ufatanije na Shaban ibi bigo byombi ariko twasanze adahari.

Iki kigo giherereye mu Mujyi wa Kayonza ku muhanda werekeza Nyagatare ,riri hafi y’umuhanda kandi riri ahantu mu biti ubona habereye ishuri.

Umwe mu babyeyi twaganiriye nawe ufite umwana wiga ibijyanye no guteka ariko utaratubwiye amazina ye ashima iki kigo ndetse akifuza ko ababyeyi bakangurira abana babo kuza kwiga imyuga mu kigo cya Kayonza Vocational School kuko avuga ko umukobwa we ari mu mwaka wa nyuma kandi yizeye ko azarangiza neza agatangira gukorera amafaranga.

Uyu mubyeyi kandi yifuza ko akurikije uburyo imyuga irimo gutera imbere asaba iki kigo ko cyaguka kikajya cyakira abanyeshuri benshi kuko hari benshi mu gihugu hirya no hino bagiye kukigana dore ko n’ubusanzwe n’Abanyamahanga bahari bahigira.

Amakuru twamenye ni uko iki kigo aricyo abanyeshuri bo mu bindi bigo ariho bazajya baza gukorera ibizamini kubera imikorere myiza ,ubundi bakoreraga mu kigo cya St.Thereza Kayonza ariko kubera cyasubiye inyuma twamaze kumenya ko ibizamini bizajya bikorerwa muri Kayonza Vocational School.

Gatera Stanley

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.